За ИАБ

Interactive Advertising Bureau (IAB) е светска организација за унапредување на дигиталниот маркетинг. Основана е 1996 во Њујорк, а во моментов има 45 ИАБ лиценцирани канцеларии и три регионални кои развиваат глобални солуции за развој на дигиталното огласување ширум светот.

IAB канцеларијата во Северна Македонија е отворена 2012 година, а во неа членуваат голем број на маркетинг агенции, медиуми и компании кои се залагаат за развој на дигиталниот и интерактивен маркетинг во земјата.

Мисија

Здружението за интерактивно огласување IAB Македонија е посветено на постојано развивање и унапредување на дигиталното и интерактивно огласување во Северна Македонија преку спроведување обуки, обезбедување на транспарентност на пазарот и комуникација на вредностите на IAB на локално ниво.

Визија

Да се биде најпочитувано здружение кое предлага кредибилитет преку издавање најдобри практики за дигитално издаваштво и огласување за македонскиот пазар.

Цели

Како дел од глобалната IAB мрежа, оваа асоцијација има за цел:

• развој на пазарот за дигитално огласување;
• спојување на професионалците од областа на маркетингот;
• промоција на индустријата и запознавање на јавноста со можностите и користите од огласувањето на интернет;
• зголемување на потрошувачката за огласување на интернет;
• дефинирање на стандардите за огласување на интернет;
• дефинирање на стандардите за мерење на потрошувачката за интернет огласување;
• организација на семинари, подиумски дискусии,  трибини, конференции со теми од областа на дигитални медиуми;
• справување со проблеми врзани со индустријата сугерирани од страна на членовите;